मंत्री हसन मुश्रीफ यांच्या वाढदिवसानिमित्त वडरगे येथे विविध शालेय उपक्रम.

गडहिंग्लज/प्रतिनिधी : वैद्यकीय शिक्षण मंत्री हसन मुश्रीफ यांच्या वाढदिवसाच्या निमित्ताने  प्राथमिक विद्या मंदिर व अंगणवाडी वडरगे येथे क्रीडा उत्सव पार पडला.मुलांना अल्पोपहार,शैक्षणिक साहित्य व बक्षीस वितरण डॉ. पोवार चॅरिटेबल ट्रस्ट उत्तूरचे अध्यक्ष डॉ सचिन  पोवार,श्री.रेणुका द्रोण पत्रावळी उद्योगचे भैरू चौगुले,वडरगे सरपंच सविता पाटील,अर्धसैनिक कॅन्टीनचे प्रमुख माजी सैनिक भाऊसो मोरे,सरिता पोटे यांच्या प्रमुख उपस्थितीत करण्यात आले.

मुख्याध्यापिका गीता माळी यांच्या अध्यक्षतेखाली हा कार्यक्रम पार पडला.डॉ पोवार म्हणाले ग्रामीण भागातील सर्वसामान्याची शाळा टिकली पाहिजे, या शाळेतूनच   मोठ-मोठे अधिकारी घडलेत,यांचा आपण  आदर्श घ्यावा.आहार, विहार, व्यायाम या त्री-सूत्रीचा वापर करून आरोग्य सदृढ  ठेवून मन प्रसन्न राहते व अभ्यासात प्रगती येते. सामाजिक कार्यकर्ते भैरव चौगुले, माजी सैनिक भासो मोरे सरपंच  पाटील यांनी मनोगत व्यक्त केले.

यावेळी विद्यार्थी शिक्षक पालक व  शाळा व्यस्थापन कमिटी अध्यक्ष किरण माने, महादेव मोरे,भगवान गोरुले, महादेव गायकवाड, अनिल देवार्डे,आनंद जावळे, माया होडगे, आदी महिला सह ग्रामस्थ  मोठ्या संख्येने उपस्थित होते.प्रास्ताविक डॉ.पोवार फौंडेशनच्या ट्रस्टी सरिता पोटे यांनी केले. व फौंडेशनच्या कामाचा परिचय करून स्पर्धा - क्रीडा उत्सवाची  माहिती सांगितली.सूत्रसंचालन सुलोचना चिदंके यांनी तर आभार वैशाली कोष्टी यांनी मानले.