मा.आमदार राजेश पाटील यांच्याहस्ते वर्ग खोली व सभागृहाचे लोकार्पण

मजरे कार्वे येथे शैक्षणिक विकासाला चालना,माजी आमदार राजेश पाटील यांच्याहस्ते वर्ग खोली व सभागृहाचे लोकार्पण

चंदगड प्रतिनिधी ( रुपेश मऱ्यापगोळ ) :  मजरे कार्वे येथे शिक्षण क्षेत्रासाठी महत्त्वाचा टप्पा गाठत केंद्रीय प्राथमिक शाळेत नव्याने उभारण्यात आलेल्या वर्ग खोली व सभागृहाचे लोकार्पण आज उत्साहपूर्ण वातावरणात पार पडले. माजी आमदार राजेश पाटील यांच्या शुभहस्ते या सुविधांचे उद्घाटन करण्यात आले. सुमारे दहा लाख रुपयांच्या निधीतून साकारलेल्या या प्रकल्पामुळे विद्यार्थ्यांना अधिक सुसज्ज व गुणवत्तापूर्ण शैक्षणिक वातावरण मिळणार आहे.

कार्यक्रमाला जिल्हा परिषद महिला व बालकल्याण सभापती सौ. विद्याताई पाटील, चंदगड पंचायत समिती सभापती विलास नाईक, उपसभापती सौ. संज्योती मळवीकर, पंचायत समिती सदस्य पांडुरंग बेनके यांची प्रमुख उपस्थिती होती. यावेळी मान्यवरांचा सत्कार करून त्यांचे स्वागत करण्यात आले.

लोकार्पण प्रसंगी बोलताना माजी आमदार राजेश पाटील यांनी ग्रामीण भागातील विद्यार्थ्यांना दर्जेदार शिक्षण मिळण्यासाठी पायाभूत सुविधा अत्यंत महत्त्वाच्या असल्याचे अधोरेखित केले. “विद्यार्थ्यांच्या सर्वांगीण विकासासाठी आधुनिक व सुरक्षित शैक्षणिक वातावरण निर्माण करणे ही काळाची गरज आहे. मजरे कार्वे येथे उभारण्यात आलेली ही वर्ग खोली व सभागृह विद्यार्थ्यांच्या प्रगतीसाठी निश्चितच उपयुक्त ठरेल,” असे ते म्हणाले.

या नव्या बांधकामामुळे शाळेत जागेची कमतरता दूर होऊन अध्यापन अधिक परिणामकारक पद्धतीने होणार आहे. तसेच विविध शालेय उपक्रम, सांस्कृतिक कार्यक्रम व बैठका आयोजित करण्यासाठी स्वतंत्र सभागृह उपलब्ध झाल्याने शाळेच्या एकूण कार्यक्षमतेत भर पडणार आहे.

कार्यक्रमास अक्वा कंपनीचे डॉ. रघुराजराव,  चंदगड तालुका संघाचे व्हाईस चेअरमन तानाजी गडकरी,  माजी सरपंच शिवाजी तुपारे, देवाप्पा बोकडे, नरसिंग बोकडे, शाळा व्यवस्थापन समिती अध्यक्ष अंकुश बोकडे, उपाध्यक्ष  ज्योती सचिन कांबळे, नितीन पोवार यांच्यासह  मुख्याध्यापक स्वप्नाली पाटील,  माजी उपसरपंच व आर.के. न्यूज चे संपादक निवृत्ती हारकारे,  माजी शालेय व्यवस्थापन समिती अध्यक्ष जयश्री हारकारे, अनुराधा पाटील, जयवंत हरकारे, यांच्यासह शालेय व्यवस्थापन समिती सदस्य, सर्व शिक्षक, पालक व ग्रामस्थ मोठ्या संख्येने उपस्थित होते.

कार्यक्रमाच्या यशस्वी आयोजनासाठी शाळा व्यवस्थापन समिती, शिक्षकवर्ग व ग्रामस्थांनी विशेष परिश्रम घेतले. नव्या सुविधा उपलब्ध झाल्याने विद्यार्थ्यांमध्ये आनंदाचे वातावरण निर्माण झाले असून गावकऱ्यांकडून या उपक्रमाचे सर्वत्र स्वागत करण्यात येत आहे.