महाराष्ट्र माझाच्या बातमीचा दणका,प्रशासन ऐक्टिव मोडवर !

रोहित धुपदाळे/चंदगड शहर प्रतिनिधी : चंदगड शहरात लावलेल्या दिशादर्शक बोर्डवरील चिन्हच गायब असल्याने नागरिकात संभ्रमात निर्माण झाली होती.चंदगड हे तालुक्याचे मुख्य ठिकाण असुन शहरात तहसिल कार्यालय, पोलिस स्टेशन, न्यायालय, पंचायत समिती, शासकीय बॅंका,शासकीय रुग्णालय असल्याने परगावाहून येणारी संख्या मोठी असते.काही लोकांना आपल्याला जाण्याच्या ठिकाणी गल्ली अथवा कार्यालय माहिती नसल्याने दिशादर्शक चिन्ह फार महत्त्वाचे ठरते.पण प्रशासनाच्या भोंगळ कारभारामुळे याकडे दुर्लक्ष झाले होते.तसेच येणाऱ्या अडचणींमुळे नागरिकातुन संतापाच्या प्रतिक्रिया उमटत होत्या.

अखेर यावर महाराष्ट्र माझाने गेल्या दोन दिवसापुर्वी चंदगड शहरात दिशादर्शक चिन्ह गायब असल्याची बातमी दिली होती.पण त्यानंतर याची दखल घेत चंदगड नगरपंचायतीने दिशादर्शक चिन्ह लावण्यास सुरूवात केली आहे.त्यामुळे आता भागातून लोकांच्या समाधानकारक प्रतिक्रिया येत असून सर्वच स्तरांतून महाराष्ट्र माझाचे कौतुक केले जात आहे.