शिक्षकावर पोकसो कायद्याअंतर्गत लैंगिक अत्याचार प्रकरणी गुन्हा दाखल.

कोल्हापूर/प्रतिनिधी : इचलकरंजी शहापूर मधील म्हाडा कॉलनीत नोकरीनिमित्त भाड्याने राहत असलेल्या एका कुटुंबातील 12 वर्षाच्या बालिकेवर त्यांच्या घरासमोर राहणाऱ्या विजय भागवत कुंडलकर वय 36,रा म्हाडा कॉलनी, शहापूर, मूळ गाव कोकलमोहा, बीड येथील पेशाने शिक्षक असलेल्या इसमाने दि.16 मार्च 25 रोजी सकाळी 9 ते 10 या दरम्यान त्याच्या समोरील घरातील बालिका एकटी असल्याचा फायदा घेत मागच्या दरवाजाने मुलीच्या घरी शिरत तिच्यावर अत्याचार केला.व आईला सांगू नको,नाहीतर तुला जिवंत सोडणार नाही अशी जीवे मारण्याची धमकी ही दिली असल्याची तक्रार पीडित बालिकेच्या आईने शहापूर पोलीस ठाणे येथे दिली आहे.

सदर शिक्षक इसमावर बी. एन.एस. कलम 64,65,75(1),351(2),(3),नुसार व लैंगिक अपराधापासून बालकांचे संरक्षण अधिनियम 2012 चे कलम 4,8,12 प्रमाणे अत्याचार प्रकरणी शहापूर पोलीस ठाणे येथे गुन्हा नोंद करण्यात आला आहे.याविषयी पोलीस निरीक्षक सचिन सूर्यवंशी अधिक तपास करीत आहेत.