चंदगड/प्रतिनिधी : बंगळुरू (कर्नाटक) येथे ग्लोबल स्विमिंग सर्विसेसच्या वतीने आयोजित राज्यस्तरीय जलतरण स्पर्धेत चंदगड तालुक्यातील जलतरणपटू भगतसिंग गावडे याने आपली उज्वल कारकीर्द कायम ठेवत 50 मीटर बटरफ्लाय स्पर्धेत सिल्व्हर मेडल पटकावले. स्पर्धेनंतर मान्यवरांच्या हस्ते त्याला पदक व प्रमाणपत्र देऊन गौरविण्यात आले.
भगतसिंग गावडेने यापूर्वीही विविध स्पर्धांमध्ये अनेक सुवर्ण पदके पटकावून आपली प्रतिभा सिद्ध केलेली आहे. कठोर सराव, शिस्त आणि जिद्द यांच्या जोरावर तो जलतरण क्षेत्रात सातत्याने भरारी घेत आहे.सध्या भगतसिंग बेळगाव येथील के.एल.ई स्विमिंग क्लबमध्ये प्रशिक्षण घेत असून त्याला नामांकित प्रशिक्षकांचे मार्गदर्शन लाभत आहे.
अजिंक्य मेंडके, राजेश शिंदे, अतुल धुडूम, इम्रान सर, गोर्धन सर, सतीश यादव, संजू सर आणि महेश सर यांच्या तज्ज्ञ प्रशिक्षणामुळे त्याची कामगिरी अधिकाधिक भक्कम होत आहे.त्याचबरोबर केएलई इंटरनॅशनल स्कूल, कुवेंपूनगर, बेळगाव स्विमिंग पूल स्टाफ यांचेही त्याला मोठे सहकार्य मिळाले आहे.यशाच्या या प्रवासात रेणुका इन्फ्रास्ट्रक्चरचे मालक परशुराम काकतकर (हिंडलगा) आणि उमेश कलघटगी यांनी दिलेला पाठिंबा आणि प्रोत्साहन महत्त्वाचे ठरले.भगतसिंग गावडेच्या या तेजस्वी यशाबद्दल त्याचे सर्वत्र अभिनंदन होत असून आगामी राष्ट्रीय आणि आंतरराष्ट्रीय स्पर्धांमध्ये तो चंदगड व संपूर्ण परिसराचे नाव अधिक उज्वल करणार,अशी अपेक्षा व्यक्त केली जात आहे.
Post a Comment
0 Comments